राहुल गांधी के छत्तीसगढ़ प्रवास : राजीव गांधी ग्रामीण भूमिहीन कृषि मजदूर न्याय योजना, राजीव युवा मितान क्लब योजना, गांधी सेवाग्राम अउ अमर जवान ज्योति के भूमिपूजन

अंजोर.रायपुर, 31 जनवरी। लोकसभा सांसद राहुल गांधी राजधानी रायपुर के साईंस कॉलेज मैदान म 3 फरवरी के आयोजित कार्यक्रम म छत्तीसगढ़ सरकार के महत्वाकांक्षी राजीव गांधी ग्रामीण भूमिहीन कृषि मजदूर न्याय योजना अउ राजीव युवा मितान क्लब के शुभारंभ अउ गांधी सेवाग्राम अउ अमर जवान ज्योति के आधारशीला रखही। मुख्य सचिव अमिताभ जैन ह आज साईंस कॉलेज मैदान म करे जात तइयारी के जायजा लिस। 

ओमन अधिकारी मन के मुख्य कार्यक्रम स्थल, विभागीय प्रदर्शनी स्थल, पार्किंग अउ आन बेवस्था के संबंध म जरूरी दिशा-निर्देश दिस। ओमन साइंस कॉलेज मैदान म आने-आने विभाग डहर ले लगाये जात  प्रदर्शनी सहित आने-आने सेक्टर के निरीक्षण करिन अउ अधिकारी मनल कार्यक्रम जगह म आवागमन के संग ही बिजली, पेयजल बेवस्था के जानकारी लिस। 

जानबा होवय के राहुल गांधी 3 फरवरी के छत्तीसगढ़ सरकार के महत्वाकांक्षी योजना राजीव गांधी ग्रामीण भूमिहीन कृषि मजदूर न्याय योजना के शुभारंभ करही अउ योजना के तहत पंजीकृत 3 लाख 55 हजार भूमिहीन कृषि मजदूर मन के खाता म योजना के पहिली किस्त के रकम के उंकर बैंक खाता म अंतरण करही। 

कार्यक्रम म सांसद राहुल गांधी राजीव युवा मितान क्लब योजना के शुभारंभ तको करही। ए मउका म सांसद  राहुल गांधी अउ वर्धा के तर्ज म नया रायपुर म बनइया गांधी सेवाग्राम अउ अमर जवान ज्योति के तको भूमिपूजन करही।