अंजोर.सिनेमा.। छॉलीवुड ह सीजी एल्बम सॉग बिगर अधुरा हावय। जइसे बॉलीवुड म छोटे परदा अउ बड़े परदा चलथे उही रकम ले छत्तीसगढ़ म वीडियो एल्बम अउ फिलिम हावय, दूनो के अपन-अपन मुकाम हावय। फेर इहा कुछ अइसे कलाकार हावय जे मन दूनो म जबर बुता ले लोगन के हिरदे म ठउर बना डरे हावय, ओमा एक नाम अभिनेत्री काजल सोनबेर के तको हावय। अब तक लगभग अर्धशतक के करीब वीडियो एल्बम म भावाभिनय के संग उंकर अभी दू फिलिम तको लाइन म हावय।
खैर अभी फिलिम म थोकिन देरी हावय अऊ ये बीच फिल्म अभिनेता सतीश साव के संग नवा गीत आगे जेकर नाव हाबे ‘अब के बच्छर’। ये गीत ल अपन मधुर आवाज म गाये हावय आकाश शर्मा अउ सृष्टी गोस्वामी। ए गीत जतके खूबसरत हावय ओतके खूबसूरत भाव कलाकार मनके नृत्य तको हावय काबर के येमा सतीश साहू के कोरियोग्राफी के कमाल तको हावय।
काजल सोनबेर अउ सतीश साव के जोड़ी चूकचूक ले फबत हावय, देखइया मनके मन गीत ले जादा मया-पिरित के लाहर लगइया जोड़ी कोति रमे रिथे। इही पाके तो गाना सोशल मीडिया के एसआरके म्यूीजिक म रिलीज होए के कुछ ही घंटा म 80 हजार ले जदा दर्शक मन देख डरिस। काजल अउ सतीश के पारंपरिक वेशभूषा गजब नीक हावय अऊ गीत घर परिवर सुद्धा बइठ के देखे लइक हावय। काबर के अब छॉलीवुड म तको कुछ गाना अइसे आथे के उंकर शब्द भाव के सेती पारिवारिक माहौल म सुने अउ देखे के मन नइ करे। फेर ये गाना एकदम अलग हावय, काजल अउ सतीश के संग आकाश शर्मा अउ सृष्टी गोस्वामी के गीत ल बार-बार सूने के मन करथे।
अब के बच्छर - Ab Ke Bachchar | Satish Sao, Kajal Sonber | Akash, Shrishty | CG Song |छत्तीसगढ़ी Song
song credits
- ASR PRODUCTION PRESENTS
- Song : Ab Ke Bachchar - अब के बच्छर
- Cast : Satish Sao, Kajal Sonber
- Singer : Akash Sharma, Shrishty Goswami
- Music : Sai Music Studio
- Lyrics : Akash Sharma
- Production : Jeet Sahu
- Director : Jeet Sahu
- Choreographer : Satish Sahu
- Camera : 44 Frames Studio (Amanjeet Mahant)
- Editor : 44 Frames Studio (Amanjeet Mahant)
- Color Grading : 44 Frames Studio (Amanjeet Mahant)
- Makeup : Sanjana Roshani
- Location : Girodhpuri - Mahanadi Mirchid
- Music on : SRK MUSIC
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।