अंजोर.बलोद। महिला अउ बाल विकास अउ समाज कल्याण मंत्री श्रीमती अनिला भेंडिया आज जिला मुख्यालय बालोद के सरदार वल्लभ भाई पटेल मैदान म जिला स्तरीय युवा महोत्सव के शुभारंभ मॉ सरस्वती के छायाचित्र म माल्यार्पण अउ दीप प्रज्वलित करके करिन। ए मउका म ओमन अपन उद्बोधन म किहिन के मुख्यमंत्री दाऊ भूपेश बघेल डहर ले छत्तीसगढ़ के संस्कृति अउ परम्परा ल आगू बढ़ाये के बुता करे जात हावय।
युवा महोत्सव के माध्यम ले युवा मन के प्रतिभा निखरके आगू आत हावय। मंत्री श्रीमती भेंडिया ह युवा मन ले किहिन के कोनो भी क्षेत्र म आगू बढ़े के खातिर लगन अउ मेहनत ले सफलता जरूर मिलत हावय। ओमन युवा प्रतिभागी मनला प्रोत्साहित करत किहिन के वो अपन कला के सर्वश्रेष्ठ प्रदर्शन करके राज्य अउ देश म बालोद जिला के नाम रौशन करें। ये मउका म संजारी-बालोद विधायक श्रीमती संगीता सिन्हा, जिला पंचायत अध्यक्ष श्रीमती सोनादेवी देशलहरा अउ नगर पालिका परिषद बालोद के अध्यक्ष विकास चोपड़ा ह भी कार्यक्रम ल संबोधित करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।