विकासखंड स्तरीय युवा उत्सव 11 दिसम्बर तक, पारम्परिक लोकनृत्य संग फुगड़ी, भौंरा, गेड़ी दौंड़, तको होही

अंजोर.जगदलपुर 30 नवंबर। छत्तीसगढ़ शासन खेल अउ युवा कल्याण विभाग डहर ले युवा मन ल मंच दे के सांस्कृतिक गतिविधी ले युवा मन ल जोड़के अउ उंकर प्रतिभा निखारे के उद्देश्य ले स्वामी विवेकानंद के जयंती के उपलक्ष्य म राज्य स्तरीय युवा उत्सव के आयोजन 12 ले 14 जनवरी 2022 तक रायपुर म करे जाये के फइसला ले गिस। कलेक्टर श्री रजत बंसल डहर ले मुख्य कार्यपालन अधिकारी जनपद पंचायत के सातों विकासखंड म विकासखंड स्तरीय युवा उत्सव के आयोजन 11 दिसम्बर 2021 तक करे के निर्देश दे हावयं।

जिला स्तर म 15 दिसम्बर के आसना के बादल एकेडमी म एक दिवसीय युवा उत्सव के आयोजन करे जाही। विकासखंड स्तर म आयोजन पाछु पहिली ठऊर वाला चयनित दल प्रतिभागी जिला स्तरीय युवा उत्सव म भाग ले के पात्र होही। जिला स्तर म पहिली ठऊर मिले करे वाला प्रतिभागी कलाकार ल राज्य स्तर म आयोजित राज्य स्तरीय युवा उत्सव म भाग ले के पात्रता होही। कत्थक, भरतनाट्यम, कुचीपुडी, ओडीसी शास्त्रीय गायन हिन्दुस्तानी, कर्नाटक, मृदंग, वीणा, सितार, गिटार के कलाकार सोज जिला स्तर म भाग ले सकत हावयं।

जेला अपन पंजीयन खेल अउ युवा कल्याण विभाग कार्यालय इंदिरा प्रियदर्शनी स्टेडियम म 12 दिसम्बर 2021 तक अनिवार्य रूप ले कराना होही। येकर अलावा पारम्परिक सुआ, पंथी, करमा, सरगुल, बस्तरिया लोकनृत्य, राउतनृत्य, फुगड़ी, भौंरा, गेड़ी दौंड़, रॉक बैड, पारम्परिक वेषभूषा, फउ फोस्टिवल, वाद-विवाद, क्विज, निबंध, कबड्डी सहित आन गतिविधि के विधा भी सामिल करे गिस हावयं।