राज्य खेल पुरस्कार : आवेदन करे तिथि म होइस बढ़ोतरी, अब 10 अगस्त तक भरे जाही

अंजोर.रायपुर, 04 अगस्त। छत्तीसगढ़ शासन खेल अउ युवा कल्याण विभाग डहर ले हरेक साल खिलाड़ी, प्रशिक्षक अउ निर्णायक ल खेल पुरस्कार दे करके राज्य खेल अंलकरण ले सम्मानित करे जाथे। ये पुरस्कार राज्य के खातिर उत्कृष्ट प्रदर्शन करे वाला खिलाड़ी, प्रशिक्षक, निर्णायक ल दे जाथे। येकर खातिर विभाग डहर ले 7 अगस्त तक आवेदन आमंत्रित करे गे रिहिस, जेला बढ़ा करके अब 10 अगस्त कर दे गे हावय। आवेदन खेल अउ युवा कल्याण विभाग के जिला कार्यालय या संचालनालय म राज्य खेल संघ ले अनुशंसा सहित आवेदन करार तिथि तक कार्यालयीन समय बखत म जमा करे जा सकत हावयं। खिलाड़ी के अलग-अलग साल के खातिर अलग-अलग आवेदन प्रस्तुत करे होही। आवेदन पत्र के प्रारूप विभाग के वेबसाइट www.sportsyw.cg.gov.in म उपलब्ध हावय।