अंजोर.रायपुर, 02 अगस्त। मुख्यमंत्री दाऊ भूपेश बघेल ह वर्चुअल कार्यक्रम के माध्यम ले दुर्ग जिला के पाटन विधानसभा क्षेत्र म संचालित 7 स्वामी आत्मानंद अंग्रेजी माध्यम स्कूल म अधोसंरचना विस्तार के तहत स्वीकृत 7 करोड़ 25 लाख 66 हजार रूपिया के लागत वाला बुता के भूमिपूजन अउ लोकार्पण करिन। मुख्यमंत्री श्री बघेल ह ए मउका म दुर्ग जिला के सबो सोलह स्वामी आत्मानंद अंग्रेजी स्कूल म 2 अगस्त ले अध्ययन-अध्यापन के खातिर कक्षा शुरू होए म लइका के बधाई अउ शुभकामना देत किहिन के कोरोना के सेती लइका के पढ़ाई-लिखाई म भी बहुत बाधा आईस। कोरोना काल के बखत लइका ह धैर्य के संग ऑनलाइन अपन पढ़ाई जारी रखिस। मुख्यमंत्री ह कोरोना काल म पढ़ाई-लिखाई ल लेके स्कूली लइका के धैर्य, समझदारी अउ सहनशीलता के भी बढ़ई करिस।
राज्य म 172 अंग्रेजी स्कूल शुरू करे जात हावयं। ये स्कूल म अच्छा ले अच्छा शिक्षा के संग लइका ल बढि़या सुविधा दे जात हावय। स्वामी आत्मानंद अंग्रेजी स्कूल के गुणवत्ता ल देखत ये स्कूल म निजी स्कूल के लइका भी पढ़ना चाहत हावयं। दुर्ग जिला म 7 हजार 878 लइका ह स्वामी आत्मानंद अंग्रेजी स्कूल म प्रवेश ले हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।