आज हर महिला ल रानी लक्ष्मीबाई बने के जरूरत हावय : राज्यपाल सुश्री उइके

अंजोर.दुर्ग, 13 अगस्त। आज के बखत म हर महिला ल सशक्त होए के जरूरत  हावय। कहू कोनो महिला ल उंकर अधिकार नइ मिलत हावय त ओमा आत्मविश्वास के कमी हो सकत हावय। आज हर महिला ल रानी लक्ष्मीबाई बने के जरूरत हावय। ओला चाही दूसरा महिला के संग अत्याचार होत हावय त ओला रोके अउ उंकर मदद करें अउ आत्मविश्वास बनाएं रखे। ये बात राज्यपाल सुश्री अनुसुईया उइके ह हेमचंद यादव विश्वविद्यालय डहर ले आयोजित भारतीय स्वतंत्रता आंदोलन म महिला मन के भूमिका विषय म आधारित वेबीनार ल संबोधित करत किहिय। राज्यपाल ह ऑनलाइन प्रतियोगिता म शामिल प्रतिभागी मनला ल बधाई तको दीस।

राज्यपाल ह किहिन के आजादी के 75 साल के मउका म अमृत महोत्सव मनावत हावन। हमर स्वतंत्रता संग्राम म केऊ झिन ह योगदान दे हावय। एमे ले केऊ के नाम हम जानत हावन, मगर कई अइसे हावय जेन गुमनामी म खो गे हावय। हमर शिक्षा प्रणाली म अइसे महानायक मनके उल्लेख बहुत कम मिलथे। नवा पीढ़ी के अइसे महानायक के जानकारी मिले, इही सेती प्रधानमंत्री श्री नरेन्द्र मोदी ह अइसे महानायक के सुरता करे के उद्देश्य ले अमृत महोत्सव के रूप म मनाने के फइसला लिस। 

राज्यपाल ह किहिन के आजादी के ए लड़ाई म पुरूष अउ महिला ह संयुक्त रूप ले योगदान दे। रानी लक्ष्मीबाई, रानी दुर्गावती, सरोजनी नायडु, सूचेता कृपलानी जइसे केऊ नाम हावयं जेन मन आजादी के लड़ाई म अपन योगदान दे हावय। राज्यपाल ह किहिन के वो समय महिला मन के स्थिति अपेक्षाकृत जागरूकता कम रिहिस, तब भी ओमा अतक जज्बा रिहिस के ओमन स्वतंत्रता संग्राम म बढ़-चढ़ करके हिस्सा लिस।