कोरोना के संभावित तीसरइया लहर के खातिर रखव सबो जरूरी तइयारी : मंत्री टी.एस. सिंहदेव

अंजोर.रायपुर, 29 अगस्त। स्वास्थ्य अउ परिवार कल्याण मंत्री श्री टी.एस. सिंहदेव ह प्रदेश म कोरोना संक्रमण अउ वैक्सीनेशन के स्थिति के समीक्षा करिस अउ अधिकारी मनले कोरोना के संभावित तीसरइया लहर ले बचाव अउ उपचार के खातिर सबो जरूरी तइयारी सुनिश्चित करे के निर्देश दिस। श्री सिंहदेव आज अपन निवास कार्यालय म विभागीय काम-काज के समीक्षा करत रिहिस। ओमन बइठक म राजधानी रायपुर सहित आन जगह म फैल रिहिन डेंगू के प्रकरण के रोकथाम अउ बचाव के खातिर जल ठहराव, गंदगी के प्रति लोगन म जन-जागरूकता अभियान चलाने के भी निर्देश दिस। ओमन किहिन के डेंगू ले पीड़ित मरीज मन के एलिजा टेस्ट करे जाए। प्रभावित इलाका के अस्पताल मन म डेंगू के उपचार के खातिर पर्याप्त मात्रा म दवई मन के उपलब्धता के विशेष धियान रखे जाए।