कृषि मंत्री श्री चौबे ह किहिन के प्रदेश सरकार सही मायने म किसान मन, मजदूर मन के हित के रक्षा करने वाला सरकार हावय। मुख्यमंत्री भूपेश बघेल के नेतृत्व म राजीव गांधी किसान न्याय योजना, गोधन न्याय योजना के बाद अब मजदूर मन के हित के खातिर भूमि हीन न्याय योजना सुरू करे जात हावय। ये योजना कार्तिक एकादशी देवउठनी पर्व के मउका म शुरू करे जाही। एमे भूमि हीन गरीब परिवार के 6 हजार रूपिया हरेक साल दे जाही। प्रदेश सरकार ह अपन बजट म येकर प्रावधान करे हावय। कृषि मंत्री ह ये भी किहिन के बीते खरीफ सीजन म प्रदेश सरकार डहर ले लगभग 92 लाख मीट्रिक टन धान के उपार्जन करे गे रिहिस। ओमन संभावना जतात किहिन के ए साल प्रदेश म मानूसन के स्थिति अच्छा रेहे म 100 लाख मीट्रिक टन समर्थन कीमत म धान के खरीदी के अनुमान हावय।
कृषि मंत्री के पहल म गांव राखी के महिला समूह ल आटा चक्की दीस हावय। इही रकम ले ओमन आम सभा म 20 नग सिलाई मशीन दिये जाये के बात कहिन। येकर ले महिला मन सिलाई, कढ़ाई करके अपन जीवन यापन करके सकही। कैबिनेट मंत्री ह गांव देऊरगांव महिला समूह के डहर ले तइयार करे गे मिनरल वॉटर ल लांच करिन। येकर पहिली मंत्री ह गांव राखी म चारागाह के खातिर आरक्षित जमीन के मुआयना करिन।
कलेक्टर विलास भोसकर संदीपान ह किहिन के पारंपरिक हरेली पर्व छत्तीसगढ़ के एक प्रमुख तिहार हावय। छत्तीसगढ़ एक कृषि प्रधान राज्य होए के संग बेमेतरा जिला भी कृषि प्रधान जिला हावय। किसान भाई बिहनिया ले लेके संझा तक दिनभर मेहनत करत हावय, पशु मन के खातिर चारा-पानी के इंतजाम करत हावय। हरेली तिहार किसान मन के खातिर एक समर्पित तिहार माने जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।