- मोहला-मानपुर, सक्ती, सारंगढ़-बिलाईगढ़ अउ मनेन्द्रगढ़ जिला बनही
- भूमि के नामांतरण के प्रक्रिया होही सरल
- सबो जिला मुख्यालय अउ नगर-निगम म महिला मन के खातिर मिनीमाता उद्यान बनही
- महाविद्यालय म प्रवेश के खातिर आयु-सीमा के बंधन समाप्त
- मुख्यमंत्री सस्ता दवा योजना के नामकरण अब श्री धन्वन्तरी योजना होही
- बिजली कंपनी म 2500 ले जादा कर्मी मनके होही भर्ती
- डायल 112 के सेवा के विस्तार अब पूरा राज्य म करे जाही
अंजोर.रायपुर, 15 अगस्त। मुख्यमंत्री दाऊ भूपेश बघेल ह आज 75 वां स्वतंत्रता दिवस के मउका म प्रदेश के जनता के नाम अपन संदेश म प्रदेशवासी मन ल बधाई अउ शुभाकामना देवत कई ऐतिहासिक सौगात दीस। मुख्यमंत्री ह छत्तीसगढ़ प्रशासनिक विकेन्द्रीकरण के सिलसिला ल अउ आगू बढ़ात छत्तीसगढ़ राज्य म जिला के पुनर्गठन करत चार नवा जिला ‘मोहला-मानपुर’, ‘सक्ती’, ‘सारंगढ़-बिलाईगढ़’ अउ ‘मनेन्द्रगढ़’ के गठन के बड़का घोसना करिस।
ओमन राज्य म 18 नवा तहसील के गठन के भी ऐलान करिन। मुख्यमंत्री ह ग्रामीण क्षेत्र म आबादी भूमि म निवासरत लोगन ल उंकर काबिज जमीन के हक दिवाये के खातिर ‘स्वामित्व योजना’ सुरू के भी घोषणा करिस।
ओमन राज्य म राजस्व संबंधी कामकाज के जटिलता ले राहत दिवाये के खातिर नामांतरण के प्रक्रिया ल सरल करे, सबो जिला मुख्यालय अउ नगर-निगम म महिला मन के खातिर ‘मिनीमाता के नाम ले एक उद्यान विकसित करे अउ प्रदेश के महाविद्यालय म प्रवेश के खातिर आयु-सीमा के बंधन के खतम करे के घोसना करिस।
मुख्यमंत्री ह किहिन के प्रदेश के जनता ल रियायती दर म दवा उपलब्ध कराये के खातिर नगरीय क्षेत्र म लागू ‘मुख्यमंत्री सस्ती दवा योजना’ अब ‘श्री धन्वन्तरी योजना’ के नाम ले जाने जाही। ओमन बिजली कंपनी म आने-आने पद म 2 हजार 500 ले जादा कर्मी मनके भरती अउ ‘डायल 112’ सेवा के उपयोगिता ल देखत येकर विस्तार अब पूरा प्रदेश म करे जाये के अउ राज्य के ग्रामीण क्षेत्र म आबादी भूमि म काबिज लोगन के हक दिलाने के खातिर राज्य म स्वामित्व योजना सुरू करे जाये के तको घोसना करिन हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।