बंजारी मंदिर पुसौर म मिलिस नान्हेव लइका, जिला बाल संरक्षण अधिकारी वैधानिक पालक के मंगाइस दावा-आपत्ति

अंजोर.रायगढ़, 27 जुलाई। जिला बाल संरक्षण अधिकारी रायगढ़ ह आरो देवत बताइन के लगभग एक दिन के लइका, जेला अस्थायी संरक्षण बर विशिष्ट दत्तक ग्रहण आभिकरण रायगढ़ म रखे गे हावय। ये बाबू पिला ह पुसौर, जिला-रायगढ़ के बंजारी मंदिर तिर ले मिले हावय। बालक के वैधानिक पालक/अभिभावक होए के जेन दावा-आपत्ति दर्ज करना चाहत हावय वो 30 दिन के भीतर जिला बाल संरक्षण अधिकारी महिला अउ बाल विकास विभाग, रायगढ़ या विशिष्ट दत्तक ग्रहण अभिकरण रायगढ़ म दावा-आपत्ति दर्ज कर सकत हावय। ये समयावधि के पाछु मिले दावा-आपत्ति म विचार नइ करे जाही अउ दत्तक ग्रहण के कार्यवाही करे जाही।