अंजोर.बस्तयर, 02 जुलाई 2021। मुख्यमंत्री भूपेश बघेल ले अध्यक्ष ईश्वर नाथ खम्बारी के नेतृत्व म आए 360 घर आरण्यक ब्राम्हण समाज के प्रतिनिधिमंडल ह सौजन्य मुलाकात करके ओला बस्तर गोंचा महापर्व-2021 म शामिल होए के नेवता दिस। प्रतिनिधिमंडल ह मुख्यमंत्री ल भगवान ल सलामी दे के खातिर बजाये जाये वाला बस्तर के पारम्परिक वाद्य तुपकी अउ पेंग भेंट करिन। मुख्यमंत्री ह पारम्परिक अंदाज म तुपकी वाद्य म स्थानीय तौर म पेंग कहलाने वाला मलकांगिनी बेल के बीजहा ल भरके एला बजाथे अउ बस्तर गोंचा महापर्व म आये के नेवता सहर्ष स्वीकार करिन। श्री खम्बारी ह मुख्यमंत्री के बताइन ल 614 साल ले मनाए जात ए गौरवशाली महापर्व के आयोजन ए साल भी 24 जून ले 20 जुलाई तक करे जात हावय।
श्री गोंचा रथ यात्रा के शुभारंभ 12 जुलाई ले करे जाही। मुख्यमंत्री श्री बघेल ह बस्तर गोंचा महापर्व के आयोजन बर बधाई अउ शुभकामना दीस। ए मउका म चित्रकोट विधायक राजमन बेंजाम, क्रेडा अध्यक्ष मिथलेश स्वर्णकार अउ 360 घर आरण्यक ब्राम्हण समाज ले हेमन्त कुमार पांडेय, मीनकेतन पाणिग्रही, दिलेश्वर पांडेय, मोहन पाणिग्रही, नरेंद्र पाणिग्रही, बनमाली पाणिग्रही, रामानुज आचार्य सहित आन लोगन उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।