अंजोर.बीजापुर, 03 जुलाई 2021। जिला बीजापुर एक आदिवासी बाहुल्य जिला आए। जिला म वनोंपज संग्रहण, कृषि अउ पशुपालन ग्रामीण आबादी के आजीविका के आधार हावय। आदिवासी घर म मुर्गी पालना उंकर संस्कृति के हिस्सा हावय। इही सेती ए क्षेत्र के महिला मन मुर्गी पालन के बारिकह ले भली-भांति परिचित होती हावयं। इही बात ल धियान म रखत वित्तीय साल 2020-21 म महात्मा गांधी राष्ट्रीय ग्रामीण रोजगार गारंटी योजना अउ 14वें वित आयोग के अभिसरण ले जनपद पंचायत उसूर के ग्राम पंचायत नुकनपाल के आश्रित गांव चेरामंगी म सामुहिक मुर्गी शेड निर्माण करे गे हावय। जिला म महिला सशक्तिकरण के दिशा म ये एक सार्थक कदम आए।
ए शेड म गांव चेरामंगी के काव्या स्व-सहायता समूह के महिला मन डहर ले अण्डा उत्पादन के बुता करे जात हावय। शेड म बी वी-380 प्रजाति के 128 मुर्गी के पालन करे जात हावय। मुर्गी खरीदी बर जिला खनिज न्यास निधि ले रकम 5 लाख रूपिया दे गे हावयं। पशुपालन विभाग के तकनीकी मार्गदर्शन म समूह के महिला मन अभी के बेरा म दक्ष हो गे हावय। येकर नतीजा हावय के ए बुता ल ओमन अब व्यवसाय के रूप म अपना के लाखों के मुनाफा कमात हावय।
काव्या स्व-सहायता समूह के महिला मन डहर ले शेड म अण्डा उत्पादन के बुता महीना जनवरी 2021 ले शुरू करे गे हावय। समूह डहर ले अब तक 6 रूपिया प्रति अण्डा के दर ले कुल 22 हजार अण्डा ल आस-पास के आंगनबाड़ी केन्द्र अउ गांव वाला ल बेचे हावय। ए रकम ले कुल समूह ह ए बुता ले 1 लाख 32 हजार के मुनाफा मिले हावयं। महिला मन डहर ले ए गतिविधि ले प्रति महीना 22 हजार रूपिया के कमाई करे जात हावय। समूह के सचिव श्रीमती पार्वती के कहना हावय के ए बुता ले हम महिला मन ल अपन आजिविका चलाये के साधन मिलगे हावय। समूह के प्रति महीना अच्छा कमाई होत हावय, हम महिला मन लगाके मुर्गी के देखरेख करत हावन। सच म ये काम हमर आजीविका के खातिर शासन के अच्छा पहल हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।