अंजोर.रायपुर, 13 जून 2021। महिला स्व-सहायता समूह ले जुड़े महिला सदस्य मन के कौशल उन्नयन करके उंकर आय के सृजन करे सेरीखेड़ी म कल्पतरू मल्टी यूटिलिटी सेंटर के संचालन करत हावय। महिला समूह के सदस्य श्रीमती संगीता यादव अउ श्रीमति दया धुव ह मुख्यमंत्री ले विडियो क्रान्फेंसिग के माध्यम ले गोठबात करिन। ओमन बताइन के रोज लगभग 40 किलो मशरूम के उत्पादन होथे, जेला बाजार अउ होटल उक जगह म बेचथे अउ जेन बच जात हावय ओला पाउडर बनाके बेचत हावयं। बेकरी जिनिस म भी उपयोग कर लेवत हावयं। पाछु डेढ़ साल म 20 लाख रूपिया ले जादा के बेच चुके हावयं।
मिले आरो के मुताबिक रायपुर जिला म अभी के बेरा म लगभग 9200 महिला स्व-सहायता समूह संचालित हावय, जेकर ले करीब 90 हजार महिला मन जुड़े हावय। सेंटर म महिला मन सिलाई, अगरबत्ती, बेकरी, मशरूम मास्क, सैनिटाइजर, साबुन सहित आन जिनिस के निर्माण करत हावयं। महिला मन ह बताइन के आर्थिक रूप ले समूह के महिला मन सक्षम होत हावयं अउ परिवार के पालन-पोषण म अपन महती जिम्मेदारी निभावत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।