अंजोर.रायपुर, 9 जून 2021। छत्तीसगढ़ लोक सेवा आयोग डहर ले पशु चिकित्सा सहायक शल्यज्ञ के पद म नियुक्ति के खातिर परीक्षा के आयोजन करे गे रिहिस। ए परीक्षा म चयनित 94 उम्मीदवार मन डहर ले आयोग के प्रस्तुत दस्तावेज के सत्यापन शासन डहर ले गठित समिति डहर ले 21 जून ले 28 जून 2021 तक बिहनिया 10.30 बजे ले राजधानी रायपुर स्थित कार्यालय संयुक्त संचालक पशु चिकित्सा सेवाएं गंज मण्डी गेट पण्डरी के सभाकक्ष म करे जाही।
उम्मीदवार मन के दस्तावेज के सत्यापन 21 जून के चयन क्रमांक 1 ले 15 तक, 22 जून के चयन क्रमांक 16 ले 30 तक, 23 जून के चयन क्रमांक 31 ले 46 तक अउ 25 जून के चयन क्रमांक 47 ले 62 तक के उम्मीदवार मन के दस्तावेज के सत्यापन करे जाही। इही रकम ले 26 जून के चयन क्रमांक 63 ले 78 तक अउ 28 जून के चयन क्रमांक 79 ले 94 तक के उम्मीदवार मन के दस्तावेज के सत्यापन करे जाही। ए संबंध म सबो उम्मीदवार मन ल सूचना उंकर डहर ले दे गे पता म डाक डहर ले भेज दे गे हावय। येकर ले संबंधित जानकारी विभागीय वेबसाइट http://www.ahd.cg.gov.in म भी अपलोड कर दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।