सिमगा ब्लाक के चंडी गांव म छत्तीसगढ़िया क्रांति सेना के सदस्यता अभियान

अंजोर.बलौदाबाजार, 23 जून 2021। छत्तीगसढि़या स्वाभिमान के संग जीव होम बुता करइया गैर राजनीतिक संगठन छत्तीसगढ़िया क्रांति सेना म युवा मनके जुराव खातिर आज सिमगा ब्लाक के चंडी गांव म सदस्यता अभियान चलाये गिस। सोशल मीडिया ले मिले आरो के मुताबिक छत्तीसगढ़िया क्रांति सेना बलौदा बाज़ार कोति ले जबर सदस्यता अभियान के सफल आयोजन करे गिस जेमा युवा मनला छत्तीसगढ़िया वाद बर जागरूक करे गीस। विचारधारा ले प्रभावित होके चंडी गांव के युवा मन छत्तीसगढ़िया क्रांति सेना के सदस्यता लिन।