अंजोर.रायपुर, 30 मई 2021। ऑनलाइन सुविधा कतकोन बर बने हावय त कतकोन मन गलत उपयोग करत हावय। येमा जतका दोषी लेवइया मन हावय ओतके दोषी बेचइया मन तको। पुलिस कोति ले मिले आरो के मुताबिक आजकल रायपुर जिला म तको घातेच अकन आनी-बानी के धारदार चाकू ऑनलाइन मंगाये गे हावय।
ऑन लाईन आर्डर करके धारदार अउ बटनदार चाकू मंगवइया मनके विरूद्ध रायपुर पुलिस के विशेष तस्दीकी अभियान चलाये हावय। जेमा अब तक अलग-अलग थाना म कुल 133 नग चाकू जमा कराये गे हावय। येमा 69 नाबालिक बच्चा मन तको चाकू मंगाये रिहिस, उंकर ले चाकू ल जमा कराके लइका मनके परिवार वाले ल थाना बुलाके समझाईश दे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।