अमरीका के मेयो क्लिीनिक देही छत्तीसगढ़ के डॉक्टर अउ पैरामेडिल स्टाफ ल प्रशिक्षण

अंजोर.रायपुर, 05 मई 2021। अमेरिका के प्रसिध्द मेयो क्लीनिक के डॉक्टर छत्तीसगढ़ सरकार के संग सहयोग करके कोरोना संक्रमण ले निपटे म मदद करही। गत दिन छत्तीसगढ़ के स्वास्थ्य मंत्री टी.एस. सिंहदेव के ए संबंध म मेयो क्लिीनिक के डॉ. प्रिया संपतकुमार ले वीडियो कांफ्रेंसिंग ले एक बइठक होइस। बइठक म फइसला लिस के मेयो क्लिीनिक के डॉक्टमर मन डहर ले छत्तीसगढ़ के डॉक्टर मन अउ पैरामेडिल स्टाफ ल प्रशिक्षण दे जाही। येकर अलावा राज्य के चिकित्सक, छत्तीसगढ़ के मरीज मन के संबंध म मेयो क्लिीनिक के डाक्टर मन के संग चिकित्सकीय परामर्श भी कर सकही। ए सहयोग ले छत्तीसगढ़ के कोरोना मरीज मन ल बड़ लाभ मिलही। बइठक म चिकित्सा महाविद्यालय रायपुर के विशेषज्ञ डॉ. ओ. पी. सुंदरानी,  डॉ. योगेश अउ विभाग के वरिष्ठ अधिकारी भी उपस्थित रिहिस।