कांग्रेस सरकार के नीति अउ उन्नत खेती ले बदलत हावय नक्सल प्रभावित अचंल के तस्वीर..., पढ़व सफलता के कहानी अंजोर समाचार म

अंजोर.जगदलपुर, 30 मई 2021। जिला के नक्सल प्रभावित क्षेत्र के गांव म किसान उन्नत कृषि ल अपना के अतिरिक्त आय कमावत हावयं। कृषि विभाग के सहायक संचालक विकास साहू ह बताइन के दरभा, लोहण्डीगुडा अउ जगदलपुर विकासखंड के नक्सल प्रभावित गांव म सीमित संसाधन अउ विषम भौगोलिक परिस्थिति के बावजूद भी स्थानीय किसान मनके लगन के सेती बिते साल म खेती के रकबा म बड़वार होए हावय। जिला के कृषक ल लाभ देवाये करे के खातिर शासन के आने-आने योजना मन संचालन करे जात हावय। 

कृषि विभाग के सिंचाई क्षेत्र विस्तार बर संचालित योजना किसान समृद्धि शांकभरी, सूक्ष्म सिंचाई आदि योजना मन के डहर ले सिंचाई के रकबा म बड़वार होए के सेती साल भर म एक ले जादा फसल ले जात हावय। नदी किनारे के क्षेत्र म विद्युत लाईन विस्तार ले नदी-नाला के जल के उपयोग करके रबी अउ जायद के फसल ले जात हावय। संगे संग जेन क्षेत्र म विद्युत कनेक्शन के अभाव हावय वो क्षेत्र म सौर सुजला योजनान्तर्गत सोलर पंप स्थापित करके खेती करे जात हावय। जिला प्रशासन डहर ले खनिज न्यास अउ विशेष केंद्रीय मदद मद ले नलकूप खनन अउ पंप स्थापना करे जाये के सेती कृषक ल अतिरिक्त लाभ मिलत हावय।

येकर अलावा विभागीय योजना ले फसल प्रदर्शन, उन्नत किस्म के बीजहा दे करके क्षेत्रीय मैदानी अधिकारी मन के मार्गदर्शन म नवा वैज्ञानिक विधी ले फसल प्रदर्शन आयोजित करे जात हावयं, जेकर ले कम लागत म जादा पैदावार मिलत हावय। एक अउ कृषक डहर ले फसल मनके देशी स्थानीय देशी किस्म के सरंक्षण अउ संवर्धन करे जात हावय उहें दूसर तनि उन्नत कृषि अपना के अतिरिक्त आय मिले ले गांव वाला मनके आर्थिक स्थिति मजबूत होतव हावय।

आगू पढ़व..., 

किसान समृद्धि शांकभरी योजना के लाभ कइसे लेवन?

सौर सुजला ले सोलर पंप कइसे लगवाये?