नर्सिंग दिवस म उंकर सेवा ल सुरता करत सीएम बघेल दिस बधाई, विधायक उपाध्याय छाता भेंट करके करिन सम्मान

अंजोर.रायपुर, 12 मई 2021। आज विश्व नर्सिंग दिवस आए अऊ नर्स मनके सेवा के जबर उदाहरण संकट के बेरा म देखे बर मिलत हावय। अइसन जीव होम के बुता कइरया के सेवा ल जोहार करत प्रदेश के मुख्यमंत्री ह किहिन के सेवा, शक्ति, साहस अउ समर्पण के प्रतिमूर्ति विश्व भर के सबो नर्स बहिनी मनला आज अंतरराष्ट्रीय नर्सिंग दिवस म सलाम करे के दिन आए। आज ए संकट के दौर म जब अपनो ले दूरिहा रेहे ल किहिन त आपमन अनजान मनके हौसला बढ़ाके, ओला जीना सिखाये हाव। आप मनके मानवता ल सलाम करत हवं।

ये मउका म विधायक अउ संसदीय सचिव विकास उपाध्याय ह सैकड़ों नर्स मनला छाता भेंट करके उंकर सम्मान करिन। ओमन किहिन के मशहूर फ्लोरेंस नाइटिंगेल के जन्मदिवस म 12 मई के अंतरराष्ट्रीय नर्सिंग दिवस के रूप म मनाये जाथे अउ आज वैश्विक महामारी के दौर म नर्स मनके भूमिका अउ उंकर योगदान ए दिन के अऊ महत्व बढ़ा दे हावय।