अंजोर.रायपुर। जीआरपी थाना रायपुर कोति ले आज बड़का कार्यवाही करत दारू गांजा के तस्कजरी करत चार आरोपी ल पकड़े गे हावय। थाना म अपराध क्रमांक 29/2021 धारा 20(बी) नारकोटिक्स एक्ट के आरोपी-देवेन्द्रे बेहरा पिता घनश्याम बेहरा उमर 40 वर्ष, जिला बोउध (उड़ीसा) के कब्जा ले कुल 12 किलो गांजा, कुल कीमती 60,000 रुपिया के मादक पदार्थ गांजा जप्तकरके आरोपी ल गिरफ्तार करके माननीय न्यायालय म पेश करे गिस। अइसने आरोपी पुरुषोत्तम मिश्रा पिता ब्रह्मानंद मिश्रा उमर 58 साल निवासी चुनाभट्टी जिला रायपुर के कब्जे ले 50 पाउच 10 लीटर देसी मंदिरा शराब, कुल कीमती 2100 रूपिया के देसी मंदिरा शराब जप्तकरके आरोपी ल गिरफ्तार करके माननीय न्यायालय म पेश करे गिस।
इही रकम ले आरोपी करण बाग पिता छवि लालबाग उमर 45 साल निवासी दुर्गा नगर थाना खमतराई जिला रायपुर के कब्जा ले 40 पाउच देसी मंदिरा अउ 8 नग अंग्रेजी शराब, कुल कीमती 2960 रूपिया के शराब जप्त करे गे हावय। एक अउ आरोपी धनंजय नाग पिता पार्थ नाग उमर 26 साल निवासी कपसी चौक बड़माल थाना सदतला जिला बलांगीर (उड़ीसा) के कब्जा ले कुल 10 किलो 100 ग्राम मादक पदार्थ, कुल कीमती 50500 रूपिया के मादक पदार्थ गांजा जप्तकरके आरोपी ल गिरफ्तार करके माननीय न्यायालय म पेश करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।