येकर सेती जूनागढ़ अउ गिर सोमनाथ म बहुत भारी वर्षा होए के संग–संग गुजरात के तटीय जिला म भारी वर्षा होए के संभावना हावय। सौराष्ट्र, कच्छ अउ दीव के कई जिला जइसे गिर सोमनाथ, दीव, जूनागढ़, पोरबंदर, देवभूमि द्वारका, अमरेली, राजकोट, जामनगर म कुछ ठऊर मन म भारी ले बहुत भारी वर्षा होए के संभावना हावय। आईएमडी ह 18 मई के दोपहर या शाम के समय ए चक्रवात के गुजरात के तटीय इलाका ले टकराये के बखत मोरबी, कच्छ, देवभूमि द्वारका अउ जामनगर जिला के तटीय क्षेत्र म जलमग्न करे वाला खगोलीय ज्वार ले लगभग 2-3 मीटर ऊपर अउ पोरबंदर, जूनागढ़, दीव, गिर सोमनाथ, अमरेली, भावनगर के तटीय क्षेत्र म 1-2 मीटर ऊपर अउ गुजरात के बांचे तटीय जिला म 0.5 ले 1 मीटर ऊपर तक तूफान उठे के भी चेतावनी दीस हावय।
आईएमडी 13 मई ले सबो संबंधित राज्य के नवीनतम पूर्वानुमान के संग हर तीन घंटस के अंतराल म बुलेटिन जारी करत हावय। बइठक म ए बात म गोठबात करे गिस के कैबिनेट सचिव सबो तटीय राज्य के मुख्य सचिव अउ संबंधित केन्द्रीय मंत्रालय/एजेंसी के सरलग संपर्क म हावयं। गृह मंत्रालय (एमएचए) 24x7 स्थिति के समीक्षा करत हावय अउ राज्य सरकार/केन्द्र शासित प्रदेश अउ संबंधित केन्द्रीय एजेंसी के संपर्क म हावय।
गृह मंत्रालय ह सबो राज्य के एसडीआरएफ के पहिली किस्त पहिली ही जारी कर दीस हावय। एनडीआरएफ ह छह राज्य म 42 टीम ल पहिली ले तैनात करे हावय जेन नाव, पेड़ काटे वाला यंत्र, दूरसंचार उपकरण उक ले लैस हावयं अउ 26 टीम ल स्टैंडबाई म रखे हावय। भारतीय तटरक्षक बल अउ नौसेना ह राहत, खोज अउ बचाव बुता के खातिर जहाज अउ हेलीकॉप्टर तैनात करे हावयं। वायु सेना अउ थल सेना के इंजीनियर टास्क फोर्स इकाइ, नौका अउ बचाव उपकरण के संग, तैनाती के खातिर तइयार हावयं।
मानवीय मदद अउ आपदा राहत इकाइ के संग सात जहाज पश्चिमी तट म स्टैंडबाई म हावयं। निगरानी करे वाला विमान अउ हेलीकॉप्टर पश्चिमी तट म सरलग निगरानी करत रिहि। आपदा राहत दल (डीआरटी) अउ चिकित्सा दल (एमटी) त्रिवेंद्रम, कन्नूर अउ पश्चिमी तट के आन ठऊर मन म स्टैंडबाई म हावयं। विद्युत मंत्रालय ह आपातकालीन प्रतिक्रिया प्रणाली के सक्रिय कर दे हावय अउ बिजली के तुरते बहाली के खातिर ट्रांसफार्मर, डीजी सेट अउ उपकरण उक तइयार रखे गे हावय। दूरसंचार मंत्रालय सबो दूरसंचार टावर अउ एक्सचेंजों म सरलग नजर रख गे हावय अउ दूरसंचार नेटवर्क ल बहाल करे के खातिर पूरा रकम ले तइयार हावय।
स्वास्थ्य अउ परिवार कल्याण मंत्रालय ह ए चक्रवात ले प्रभावित होए के संभावना वाला राज्य/केन्द्र शासित प्रदेश के प्रभावित क्षेत्र म कोविड ले जुड़े स्वास्थ्यसेवा के तइयारी अउ प्रतिक्रिया के खातिर सलाह जारी करे हावय। ओमन आपातकालीन दवा के संग 10 लघियात प्रतिक्रिया चिकित्सा दल अउ 5 सार्वजनिक स्वास्थ्य प्रतिक्रिया दल भी तइयार रखे हावयं। पत्तन, पोत परिवहन अउ जलमार्ग मंत्रालय ह सबो शिपिंग जहाज मपन सुरक्षित करे के उपाय करे हावयं अउ आपातकालीन जहाज ल तैनात करे हावय। एनडीआरएफ संवेदनशील ठऊर मन ले लोगन ल निकाले के खातिर राज्य के एजेंसी ल उंकर तइयारी म मदद करत हावय अउ चक्रवात के स्थिति ले निपटे के खातिर सरलग सामुदायिक जागरूकता अभियान भी चलावत हावय। तइयारी के समीक्षा के बाद, प्रधानमंत्री ह वरिष्ठ अधिकारी मन ल ये सुनिश्चित करे के खातिर हरसंभव उपाय करे के निर्देश दे के राज्य सरकार डहर ले लोगन ल सुरक्षित रूप ले निकाले जाए अउ बिजली, दूरसंचार, स्वास्थ्य, पेयजल उक जइसे सबो जरूरी सेवा ल जारी रखना सुनिश्चित हो अउ क्षति पहुंचे के स्थिति म ओला तुरते बहाल करे जाए।
ओमन अस्पताल मन म कोविड प्रबंधन, टीके के खातिर कोल्ड चेन अउ पावर बैकअप म आन चिकित्सा सुविधा, जरूरी दवा के भंडारण के बारे म विशेष तइयारी सुनिश्चित करे अउ ऑक्सीजन टैंकर के निर्बाध आवाजाही के योजना बनाये के भी निर्देश दीस। कंट्रोल रूम ल चौबीस घंटा चालू रखे के भी निर्देश दिए। जामनगर ले ऑक्सीजन के आपूर्ति म कम ले कम संभावित व्यवधान सुनिश्चित करे म विशेष धियान दे के जरूरत हावय। ओमन समय म सचेत करे अउ राहत उपाय के बुता म स्थानीय समुदाय ल शामिल करे के जरूरत के बारे म भी बताइन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।