धमतरी के पंचायत म बनही कोविड कॉल सेंटर : कलेक्टर जयप्रकाश मौर्य

अंजोर.धमतरी, 30 अप्रैल 2021। कोरोना वायरस कोविड-19 के बढ़त संक्रमण ल देखत अउ जिला के पंचायत मनम स्थापित आइसोलेशन सेंटर म समन्वय स्थापित करे खातिर कलेक्टर अउ जिला दण्डाधिकारी ह सबोच गांव पंचायत म कोविड कॉल सेंटर स्थापित करे के निर्देश दे हावय। कलेक्टर के निर्देश के मुताबिक जिला पंचायत के मुख्य कार्यपालन अधिकारी मयंक चतुर्वेदी के डहर ले तत्संबंध म आदेश जारी करके कोविड कॉल सेंटर स्थापित कर आने-आने गतिविधी के संचालन करे अउ आइसोलेशन सेंटर म रहत कोविड-19 के धनात्मक मरीज मन अउ उंकर परिजन के मॉनिटरिंग करे, दवा के समयानुसार सेवन करे अउ कोविड के लक्षण के आधार म पूछताछ करके जानकारी एकत्रित करे ल गे हावय।

आदेश म केहे गे हावय के आइसोलेशन सेंटर अउ होम आइसोलेशन के संचालन के संबंध म उपरोक्त उत्तदायित्व के अलावा सबोच पंचायत म होम आइसोलेशन के नियम के कड़ाई ले पालन करे के खातिर कोविड कॉल सेंटर स्थापित करके उहां स्वतंत्र रूप ले वॉलिंटियर्स या पंचायत स्तर म पदस्थ कर्मचारी मन, स्वसहायता समूह के सक्रिय महिला के नियुक्ति करे जात हावय। मरीज मन के बढ़त संख्या ल धियान म रखत उहां सतत् निगरानी रखे के खातिर संबंधित पंचायत के सरपंच पंचायत दर म कर्मचारी रख सकत हावयं। कोविड कॉल सेंटर के संचालन के खातिर उपयोग म लाए जात दूरभाष नंबर के पंचायत स्तर म सार्वजनिक ठऊर मन म लेखन अउ प्रसारित करे जाये के निर्देश भी दे गे हावयं। होम आइसोलेशन अउ पंचायत आइसोलेशन सेंटर के उपचारित मरीज मन के पंजी संधारण करे अउ प्रतिदिन कम से कम दो-तीन बार मरीज मन के स्वास्थ्य परीक्षण करके उंकर अद्यतन स्थिति दूरभाष ले मिले पंजी म संधारित करे, मरीज मन डहर ले नियमित दवाइ के सेवन, उंकर ऑक्सीजन स्तर अउ तापमान के जानकारी लेने के अलावा मितानिन डहर ले दे जात सेवा के संबंध म जानकारी रखे के निर्देश दे गे हावयं।