अंजोर.रायपुर। वैश्विक महामारी कोविड-19 के बढ़ते प्रभाव ले जिहां पूरा विश्व ए संकट ले घड़ी ले निपटे के खातिर लगातार प्रयासरत हावय। उहें राज्य शासन के मंशा के अनुरूप कोरोना पीड़ित मन के स्वास्थ्य सेवा म लगातार इजाफा होत हावय। येकर खातिर राज्य शासन हर संभव प्रयास करत हावय।
फ्रंटलाईन कोरोना वारियर्स अपन सहभागिता निभात हावयं अउ संग सामाजिक संगठन, सामाजिक संस्था अउ स्वयंसेवी संस्था भी कोरोना के ए लड़ाई म बढ़-चढ़के सहायता के खातिर आगू आत हावय। कोरोना के ए लड़ाई म लोगन ल कोरोना ले बचाव के खातिर जन-जागरूकता लाने के संग-साथ पात्र लोगन के टीकाकरण के खातिर भी प्रोत्साहित करे जात हावय।
कोरोना पीड़ित मन के बढि़या ले बढि़या चिकित्सा संबंधी सुविधा उपलब्ध कराये के खातिर राज्य सरकार प्रतिबद्ध हावय। इही कड़ी म कोरोना पीड़ित मरीज मन के खातिर राज्य के सुदूर वनांचल जिला दंतेवाड़ा के जावंगा कन्या शिक्षा परिसर म 300 बिस्तर के कोविड केयर सेंटर तइयार करे हावय। ए कोविड सेंटर म 100 ऑक्सीजनयुक्त बेड के बेवस्थाे हावय। इहां कोविड मरीज मन के बढि़या उपचार उपलब्ध कराश्े अउ कोरोना के बढ़त प्रभाव के सेती कोनो भी आपातकालीन स्थिति ले बचाव के खातिर पूरा तैयारी करे गे हावय। कोविड सेंटर के तइयार हो जाये ले कोरोना पीड़ित मन के इलाज म आसानी होही।
इही रकम ले बस्तर जिला के बकावण्ड म भी 450 बिस्तर के कोरोना अस्पताल के इलाज के खातिर फेर ले तइयार करके लिस गे हावय। बकावण्ड म आइसोलेशन सेंटर खुले ले जिला म अब कोरोना मरीज मन के कुल स्वीकृत बेड के संख्या 950 हो गे हावय। बस्तर जिला म वर्तमान म मेडिकल कालेज डिमरापाल म 200 बेड, धरमपुरा आइसोलेशन म 250 बेड, बकावण्ड म 450 बेड अउ एम.पी.एम. म 50 बेड के सुविधा हावय। ये कोविड अस्पताल 250-250 सीट के बालक अउ बालिका छात्रावास म तइयार करे गे हावय। इही रकम ले जांजगीर-चांपा जिला म बढ़त कोविड संक्रमित मरीज मन के संख्या के मद्देनजर अब जिला के शासकीय अस्पताल मन के अतिरिक्त निजी अस्पताल मन म भी कोविड मरीज मन के भी उपचार करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।