अंजोर.रायपुर। भारत शासन के निर्देशानुसार एक अप्रैल ले राज्य म 45 साल ले जादा उमर के सबो मनखे ल कोरोना वैक्सीन लगाये जाना हावय। येकर खातिर अब डाक्टर के सर्टिफिकेट के आवश्यकता नइ होही। 60 साल ले जादा उमर के बुजुर्ग ल पहिली सहित वैक्सीन लगती रइही। स्वास्थ्य विभाग डहर ले ए संबंध म सबो कलेक्टर ल निर्देश जारी करे गे हावयं के सबो जिला म 45 साल ले जादा मनखे मन के टीकाकरण सुनिश्चित करे के व्यापक योजना बनाये जाए। भारत सरकार के अनुमान ले 45 साल ले जादा आयु के मनखे कुल जनसंख्या के 20 प्रतिशत होही। ए मान ले राज्य म 58 लाख 66 हजार ले जादा मनेख ए समूह म आत हावय अउ इंकर टीकाकरण करे जाना हावय।
स्वास्थ्य विभाग ह अपील करे हावय के 1 जनवरी 2022 के जेन 45 साल के हो जाही या येकर ले जादा उमर के सबो मनखे कोरोना वैक्सीन जरूर लगवाएं। वैक्सीन के विपरीत प्रभाव नगण्य हावयं अउ येकर ले संक्रमण ले सुरक्षा मिलही। फेर वैक्सीन लगाये के बाद भी कोरोना अनुकूल व्यवहार के पालन करना जरूरी हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।