प्रशासन सहित सबो क्षेत्र म स्थानीय भाषा या मातृभाषा के व्यापक रूप ले उपयोग करे जाना चाहि : उपराष्ट्रपति श्री एम. वेंकैया नायडु

नई दिल्ली.29। उपराष्ट्रपति श्री एम. वेंकैया नायडु ह आज किहिन के प्रशासन सहित सबो क्षेत्र म स्थानीय भाषा या मातृभाषा के व्यापक रूप ले उपयोग करे जाना चाहि। ओमन जोर देके किहिन के मातृभाषा म शिक्षा प्रदान करे ले लइका ह कोनो भी आन भाषा के तुलना म विषय ल बेहतर तरीका ले समझे म सक्षम होथे।  

ओमन ये बात ल तेलुगु भाषा दिवस के मउका म ‘हमारी भाषा, हमारा समाज और हमारी संस्कृति‘ विषय म एक वेबिनार ल संबोधित करत किहिन। ये समारोह के आयोजन दक्षिण अफ्रीकी तेलुगु समुदाय (एसएटीसी) ह करे रिहिसे। लंदन, सिडनी, कैनबरा, आबु धाबी, स्काटलैंड, हांगकांग, दक्षिण अफ्रीका, न्यूजीलैंड अउ जर्मनी सहित दुनिया भर के तेलुगु भाषा के विशेषज्ञ अउ तेलुगू एसोसिएशन के सदस्य मन वीडियो कांफ्रेस म भाग लिस समारोह के आयोजन एक तेलुगु भाषाविद् अउ भाषा के प्रवर्तक श्री गिडुगु वेंकट राम मूर्ति के जयंती के मउका म करे गे रिहिस। 

श्री नायडु ह आगू किहिन के भाषा अउ संस्कृति एक सभ्यता के विकास के नींव डालथे। तेलुगु भाषा ल संरक्षित अउ सुरक्षित करे के जरूरत म जोर देवत ओमन किहिन के सबो तेलुगुवासी चाहे वो भारत म रहिथे या विदेश म, अपन भाषा अउ संस्कृति के संवर्धन खातिर जरूर प्रयास करना चाहि। दुनिया भर म कई स्वदेशी भाषा भूमंडलीकरण के युग म हाशिये म जाये के संकट के सामना करत हाबे, सावधान हो जाओ कहूं अइसने चलत रइही त विलुप्त हो जाही।