रायपुर, 9 अप्रैल 2026 । छत्तीसगढ़ी सिनेमा के सुपरस्टार मन कुरैशी अउ सुग्घर अदाकारा इशिका यादव के जोड़ी एक बेर फिर बड़े पर्दा मा मया के रंग बिखेरे बर तइयार हे। काली यानी 10 अप्रैल ले रिलीज होवत बहुप्रतीक्षित फिल्म 'मया देदे मयारू 2' मा ये जोड़ी के जबरदस्त केमिस्ट्री दर्शक मन ला देखे बर मिलही।
मया के नवा परिभाषा लिखही ये जोड़ी
'मया देदे मयारू 2' मा मन कुरैशी अउ इशिका यादव के जोड़ी ला लेके दर्शक मन मा भारी उत्साह हे। फिल्म के गाना अउ ट्रेलर मा ओमन के सुग्घर तालमेल ह पहिली ले सोशल मीडिया मा धूम मचा दे हे। निर्माता अलक राय अउ निर्देशक प्रेम चंद्राकर-भूपेंद्र साहू ह ए फिल्म मा मया के एक अइसन कहानी बुने हें, जेमा मन अउ इशिका के जोड़ी ह जान फूँक दे हे।
65 सिनेमाघर मन मा एक संग दिखेगी केमिस्ट्री
ये फिल्म छत्तीसगढ़ के 65 थियेटर मन मा एक संग प्रदर्शित करे जाही। रायपुर, बिलासपुर, दुर्ग-भिलाई ले लेके रायगढ़ अउ कोरबा तक, जम्मो बड़े टॉकीज अउ मल्टीप्लेक्स मन मा मन-इशिका के मया गूंजही।
रोमांटिक अंदाज: फिल्म मा मन कुरैशी अपन चिर-परिचित रोमांटिक अंदाज मा नजर अइहीं, त उहें इशिका यादव अपन सादगी अउ दमदार अभिनय ले दर्शक मन के दिल जीत लेही।
संगीत के जादू: फिल्म के संगीत ह ये जोड़ी के मया ला अउ घलो खास बना दे हे। खास तौर मा ओमन ऊपर फिल्माए गे 'रोमांटिक ट्रैक' ह युवा मन के बीच बड़ लोकप्रिय होवत हे।
मंझे हुए कलाकार मन के साथ
फिल्म मा सिर्फ मन अउ इशिका ही नोहे, बल्कि ओमन संग दीक्षा जायसवाल, लखित झांझी अउ कतको अनुभवी कलाकार घलो अपन हुनर देखावत हें। फेर, चर्चा के मुख्य केंद्र मन अउ इशिका के 'खूबसूरत जोड़ी' ही बने हुए हे।
सिनेमा प्रेमी मन मा भारी क्रेज
सुपरहिट फिल्म 'मया देदे मयारू' के ये दूसरा भाग पहिली भाग ले घलो बड़े अउ भव्य पैमाना मा तइयार करे गे हे। फिल्म वितरक तरुण सोनी (माँ फिल्म्स) के मुताबिक, फिल्म के एडवांस बुकिंग ला लेके दर्शक मन मा बड़ होड़ मचे हे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।