अंजोर.रायपुर, 29 मई 2021। समाज कल्याण मंत्री अउ अध्यक्ष छत्तीसगढ़ योग आयोग के निर्देश के मुताबिक छत्तीसगढ़ योग आयोग डहर ले कोविड-19 के भौतिक चिकित्सा ले स्वस्थ्य होए व्यक्ति, होम आईसोलेशन अउ क्वेरिटाइन म रहत व्यक्ति, उंकर परिवार के सदस्य, वैक्सीन के पहिली डोज ले चुके मनखे मन अउ वरिष्ठ नागरिक सहित जन सामान्य म कोविड-19 के प्रभाव के कम करे अउ रोग प्रतिरोधक क्षमता बढ़ाये के उद्देश्य ले "वर्चुअल योगाभ्यास अउ योग सलाह कार्यक्रम' के आयोजन दिनांक 31 मई 2021 अन्तराष्ट्रीय धूम्रपान निषेध दिवस ले सरलग करे जाही।
समाज कल्याण कार्यालय ,रायपुर के संयुक्त संचालक ह बताइन के कार्यक्रम ल जादा ले जादा जनसामान्य तक लाभ पहुंचाये बर लिंक https://forms.gle/cTMpwNVMwMHoktkx7 म पंजीकरण कराना जरूरी हावयं। ओमन बताइन के ए आशय के चिट्ठी नगर पालिका निगम रायपुर अउ बिरगांव के आयुक्त, पंडित रविशंकर शुक्ल विश्वविद्यालय के रजिस्ट्रार, सबो जनपद पंचायत के मुख्य कार्यपालन अधिकारी मन अउ नगरी निकाय के अधिकारी मनल प्रेषित करे गे हावय। ओमन अरजी करिन के दे गे लिंक म जादा ले जादा जनसामान्य के पंजीकरण बर अपन अधीनस्थ अउ संबंधित ल निर्देशित करे के कष्ट करें, ताकि कार्यक्रम के लाभ जनसामान्य तक पहुंच सकें।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।