बड़का फैसला : मुख्यमंत्री ह शिक्षा विभाग ल 14580 पद के भर्ती के संबंध म एक सप्ताह के भीतर रिपोर्ट प्रस्तुत करे के दिस निर्देश

रायपुर.07। मुख्यमंत्री श्री भूपेश बघेल ह कोरोना संकट काल म बेरोजगार युवा मनला राहत देवत एक अऊ बड़का कदम उठाये हावय। स्कूल शिक्षा विभाग के अधिकारी मनला 14580 पद म भर्ती प्रक्रिया म एक सप्ताह के भीतर रिपोर्ट प्रस्तुत करे के निर्देश दे हावय।

मुख्यमंत्री ह भर्ती म होवत देरी ल गंभीरता ले लेवत विभाग के बड़का अधिकारी मनला तलब करत अप्रसन्नता जाहिर करिन। ओमन किहिन के छत्तीसगढ़ के युवा मनला रोजगार देना सरकार के प्राथमिकता म शामिल हावय। भरती प्रक्रिया लघियात पूरा करे जाए, अनावश्यक विलंब अउ लापरवाही बर्दाश्त नइ करे जाए। जानबा होवय के ये पद खातिर व्यापम कोति ले गे परीक्षा के रिजल्ट के वैधता म एक साल के वृद्धि करे गे हावय। ये संबंध म मंत्रालय ले आदेश तको जारी होगे हावय।