कांकेर मेडिकल कॉलेज अब पूर्व प्रधानमंत्री श्रीमती इंदिरा गांधी के नाम ले जाने जाही, मुख्यमंत्री ह भानुप्रतापपुर म आयोजित गोंडवाना सम्मेलन म करिस घोसना

कांकेर मेडिकल कॉलेज अब पूर्व प्रधानमंत्री श्रीमती इंदिरा गांधी के नाम ले जाने जाही

अंजोर.रायपुर। मुख्यमंत्री भूपेश बघेल ह कांकेर जिला के तहसील मुख्यालय भानुप्रतापपुर म गोंडवाना समाज के पेन करसाड मांदरी अउ एक दिवसीय वार्षिक सम्मेलन म शिरकत करिस, जिहां म ओमन कांकेर के मेडिकल कॉलेज के नामकरण पूर्व प्रधानमंत्री श्रीमती इंदिरा गांधी के नाम म करे के घोसना करिस। ए मउका म मुख्यमंत्री ह 14 करोड़ 47 लाख रूपिया के लागत के 146 विकास बुता के लोकार्पण अउ भूमिपूजन करिन। एमे 09 करोड़ 55 लाख रूपिया के 94 बुता के लोकार्पण अउ 04 करोड़ 76 लाख रूपिया के 52 बुता के भूमिपूजन सामिल हावयं। ए मउका म मुख्यमंत्री ह भानुप्रतापपुर म खेल मैदान के नामकरण पूर्व विधानसभा उपाध्यक्ष स्वर्गीय मनोज मंडावी के नाम म करे के तको घोसना करिस। उंकर संग ही चालकी मांझी के खातिर 10-10 हज़ार रूपिया के घोसना, भानुप्रतापपुर म स्ट्रीट लाइट, शेड निर्माण, अहाता बनाये बर 10-10 लाख रूपिया के घोसना अउ भानुप्रतापपुर के जीर्ण-शीर्ण स्कूल के जीर्णोद्धार करे के प्रस्ताव राज्य शासन ल भेजे के निर्देश कांकेर कलेक्टर ल दिस।

आदिवासी संस्कृति अउ परंपरा के संरक्षित करे के प्रयास करत हाबे प्रदेस सरकार

मुख्यमंत्री भूपेश बघेल ह भानुप्रतापपुर के गोंडवाना भवन म आयोजित सम्मेलन म गोंडवाना समाज के लोगन के सम्बोधित करत किहिन के सबले पहिली दुनिया म उक संस्कृति के प्रादुर्भाव होइस। आदिवासी संस्कृति अउ परंपरा के संरक्षित करे के प्रयास प्रदेस सरकार सरलग करत हावय। 2019 ले जिला म अब तक 518 देवगुड़ी के बनाये 17 करोड़ 82 लाख  रूपिया के लागत ले कराया जाथे। इही रकम ले 173 घोटूल 19 करोड़ 91 लाख रूपिया के लागत ले बनवाए। बघेल ह किहिन के सेवा के मतलब मानव समाज, संस्कृति अउ प्रकृति के सेवा करे हावय राज्य सरकार डहर ले आदिवासी संस्कृति के संरक्षित करे के बुता करे जात हावय। प्रदेस के सबो आदिवासी बोलियों के लिपिबद्ध करने, लोकनृत्य, लोकगीत अउ पारंपरिक खेल के संरक्षित करने, सहेजने के तको काम करे जात हावय। मुख्यमंत्री ह किहिन के देश के सबले बड़ा मिलेट के प्लांट कांकेर जिला के नथिया नवागांव म जेन हाल म ही सुरू करे गे हावय।

मुख्यमंत्री ह किहिन के हमर लइका तको आधुनिक शिक्षा ले जुड़े, येकर खातिर स्वामी आत्मानंद अंग्रेजी माध्यम स्कूल योजना लागू के गे हावय। कांकेर जिला के किसान मन ह पहिली बार ऐतिहासिक 40 लाख क्विंटल धान बेचा। प्रदेस म पहिली गोबर ले घर लीपने के काम होवत  रिहिस, अब घरांे के दीवार के गोबर बने प्राकृतिक पेंट ले पोताई करिन जाही। बस्तर म बंद पड़े स्कूल के खोला गे, येकर खातिर स्कूल के जीर्णोद्धार करे एक हज़ार करोड़ के बजट प्रावधान राज्य शासन डहर ले करे गे हावय।

कार्यक्रम म आबकारी मंत्री कवासी लखमा ह अपन उद्बोधन म किहिन के बस्तर के कोदो - कुटकी अउ मिलेट्स के खेती के बढ़ावा देके आदिवासी मन के आत्मनिर्भर बनाये के कवायद प्रदेस शासन डहर ले के जा रेहे हावय। गांव-गांव म देवगुड़ी बनवाकर आदिवासी परम्परा के सरकार सम्मान दे के काम करत हावय। पहिली मंत्री मध्यप्रदेश श्रीमती गंगा पोटाई, भानुप्रतापपुर विधायक श्रीमती सावित्री मंडावी ह तको कार्यक्रम के संबोधित करिन। ए मउका म संसदीय सचिव अउ विधायक शिशुपाल शोरी, अंतागढ़ विधायक अनूप नाग, जिला पंचायत अध्यक्ष हेमंत ध्रुव, पर्यटन मंडल के सदस्य  बिरेश ठाकुर, गौ सेवा आयोग के सदस्य नरेंद्र यादव सहित संभाग संभागायुक्त श्याम धावड़े, पुलिस महानिरीक्षक सुंदरराज पी. कलेक्टर डॉ. प्रियंका शुक्ला, एसपी शलभ सिन्हा, डीएफओ आलोक बाजपेई सहित गोंडवाना समाज के वरिष्ठ प्रतिनिधिगण अउ स्थानीय जन प्रतिनिधि बड़े संख्या म मौजूद रिहिन।