छत्तीसगढ़ के पहिली स्वतंत्रता संग्राम सेनानी अमर शहीद वीरनारायण सिंह ल बलिदान दिवस म सादर नमन

शहीद वीरनारायण सिंह

अंजोर.रायपुर। मुख्यमंत्री भूपेश बघेल ह छत्तीसगढ़ के पहिली स्वतंत्रता संग्राम सेनानी अमर शहीद वीरनारायण सिंह ल उंकर बलिदान दिवस 10 दिसम्बर म नमन करिन हावय। बघेल ह वीर नारायण सिंह के मातृभूमि के खातिर योगदान के सुरता करत किहिन हावय के स्वतंत्रता के खातिर अपन जिनगी न्यौछावर करइया आदिवासी जन-नायक वीर नारायण सिंह छत्तीसगढ़ महतारी के सच्चा सपूत रिहिस। ओमन सन् 1856 के भीषण अकाल के बखत गरीब मन के भूख ले बचाये के खातिर अंग्रेजी हुकूमत के खिलाफ कठिन संघर्ष करिन। ओमन सन् 1857 के पहिली स्वतंत्रता संग्राम आंदोलन म छत्तीसगढ़ के जनता म देश भक्ति के संचार करिन। राज्य सरकार ह उंकर सुरता म आदिवासी अउ पिछड़ा वर्ग म उत्थान के क्षेत्र म उत्कृष्ट बुता के खातिर शहीद वीर नारायण सिंह सम्मान स्थापित करिन हावय। बघेल ह किहिन के शहीद वीर नारायण सिंह के अन्याय के खिलाफ संघर्ष, मातृभूमि के प्रति समर्पण अउ बलिदान के हमेशा सुरता करे जाही।