राष्ट्रीय आदिवासी नृत्य महोत्सव म आए बिदेसी पहुना के लौटना शुरू

अंजोर.रायपुर, राष्ट्रीय आदिवासी नृत्य महोत्सव के समापन के बाद बिदेसी पहुना के अपन देश लौटने के सिलसिला सुरू होगे हावय। मंगोलिया देश के नर्तक दल के 10 भाग लेवइया 'रायपुर बाय रायपुर बाय' अउ अपन टूटी फूटी जुबान म 'छत्तीसगढ़िया सबले बढ़िया' कहत एयरपोर्ट ले विदा होइन। ओमन राष्ट्रीय आदिवासी नृत्य महोत्सव म मंगोलियन डांस, जोरून जोरून, प्रस्तुत करिन। समूह के मुखिया इनखबोल्ड ह किहिन छत्तीसगढ़ आना उंकर अच्छा अनुभव रिहिन। मउका मिले त दोबारा आही। ओला पहिली बार रायपुर आये के मउका मिलिस, हमेशा सुरता रइही।