अंजोर.मुंगेली। थाना लालपुर म प्रार्थी डहर ले उंकर नाबालिग नोनी ल अज्ञात मनखे डहर ले बहला फुसलाके अपन संग ले जाये के रिपोर्ट म धारा 363 भा.द.वि. के तहत् अपराध पंजीबद्ध करके विवेचना म लिस अउ पता तलाश सुरू करे गिस।
प्रकरण के विवेचना के बखत मुखबीर के सूचना ले नाबालिग अपहृता अउ संदेही आरोपी अर्जुन सिंह राजपूत के एनटीपीसी जमनीपाली जिला कोरबा म होए के सूचना मिले म तुरते पुलिस टीम गठित करके मउका म जाके दबिश देके अपहृता के आरोपी अर्जुन सिंह राजपूत के कब्जा ले बरामद करके आरोपी ल अभिरक्षा म थाना लाने गिस। अपहृता के महिला पुलिस अधिकारी के कथन मुताबिक प्रकरण म धारा 366, 376 भा.द.वि. 4,6 पाक्सो एक्ट जोड़ी जाके आरोपी के गिरफ्तार करके न्यायिक अभिरक्षा म भेजे गिस।
प्रकरण के विवेचना अउ आरोपी के गिरफ्तार करे म थाना प्रभारी उपनिरीक्षक विरेन्द्र क्षत्रिय, सउनि बाबूलाल दिवाकर, प्रधान आरक्षक 08 उमेंद गोयल, आरक्षक 214 तीराम यादव, आरक्षक 288 संजय मिरे, महिला आरक्षक 381 दुर्गा यादव के जरूरी भूमिका रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।