बदलत हावय नारायणपुर के तस्वीर : दू पहाड़ ल काटके बनाइस गांव तक बना दीस सड़क

अंजोर.नारायणपुर 06 सितम्बर। छत्तीसगढ़ के वनांचल नारायणपुर जिला मुख्यालय ले नक्सल प्रभावित ईलाका कोति 50 किलोमीटर दूरिहा पहाड़ ले घिरे टेमरूगांव ग्राम पंचायत तुँहर स्वागत करता बोर्ड नजर आवथे। पहाड़ ले घिरे पंचायत म 2 गाँव के 6 पारा-टोले हावयं। इहां लगभग 200 परिवार रिथे।

पहाड़ के तराई म बसे गांव म रहइया लोगन बहुत कठिन परिस्थिति म जीवन गुजारत हावयं। पहुंच मार्ग के अभाव म कोनो भी गांव अउ क्षेत्र के विकास के बात करना सपना सही लागय, फेर प्रशासन के प्रयास ल ये जरूरी सुविधा पहुंचे लगे हावय। नक्सल प्रभावित सुदूर वनांचल के निवासी जेन कई साल ले सड़क के समस्या ले जूझ रिहिन। ओला जिला प्रशासन ह कन्हारगांव ले टेमरूगांव 8 किलोमीटर अउ टेमरूगांव ले तोयमेटा तक 7 किलोमीटर पक्का सड़क के सौगात दे हावय।